من طرف ارجوك كفايه ومتقلهاش انا همشى وابعد من نفسى
وسامحنى لو قليت راحتك او يوم فرضت عليك نفسى
محتاج اقولك كلمتين وبجد بعديهم هامشى
واعذرنى يعنى عشان يمكن تسمعنى بس ماتفهمشى
اصل الكلام ده فى حاجات تتحس بس ماتتقالشى
جربت تعمل كل شى عشان تحبب حد فيك
وتلاقى رد يوجعك باين فى كل كلامه ليك
بس انت عايش ع الامل يمكن يحس فى مره بيك
جربت لما تبصله تلاقه اوام يبعد عنيه
وتحس لما تكلمه ان انت حمل تقيل عليه
احساس محدش يفهمه غير اللى حاسه ومر بيه
جربت لما يكون حزين تبقى انت مش قادر تنام
وان حد قال انه انجرح تلقه الدموع سابقه الكلام
هو يا دوب يقول الاه وانت اللى تحس الالام
جربت تقبل كل يوم يجرح مشاعرك ويدوسها
عمال يحمل قلبك لوووم على كلمه ماقدرش يوحشها
جرب الالامى وابقى قول هتحس ايه لما تعيشها
